Баҫыуҙарҙа техника гөрләй

«Урал аръяғы Агро» МТС-ының Әбйәлил филиалы сәсеүлектәрен дә иртәнән ҡара кискә тиклем тракторҙар иңләй.

Яҙ ҡояшы йылы нурҙарын ергә һибеү менән район хужалыҡтары, фермерҙар баҫыуҙарҙы яҙғы сәсеүгә әҙерләү эштәренә тотондо. «Урал аръяғы Агро» МТС-ының Әбйәлил филиалы сәсеүлектәрен дә иртәнән ҡара кискә тиклем тракторҙар иңләй.

Кисәге көнгә предприятиеның яҙғыһын сәселәсәк 2800 гектар майҙанының 500-ҙән ашыу гектары тырматылғайны ла инде.

Филиал етәксеһе З. В. Мусин әйтеүенсә, тырматыуҙа өс агрегат йөрөй. Т-150 тракторында Рәфҡәт Мырҙабаев, МТЗ-ларҙа Рәхимйән Хоҙайбиргәнов менән Илнур Саниев ерҙе сәсеү алдынан эшкәртә. Бөгөн Вафир Солтанов сәсеү алдынан культивациялауға сығасаҡ. Унан инде ошо аҙна аҙағында мөһим эшкә — иртә яҙғы культуралар орлоҡтарын сәсеүгә төшәсәктәр. Иң беренсе булып етенде сәсеү күҙаллана.

— Сәсеүгә агрегаттар тулы әҙерлектә. Ырҙын табағында орлоҡтарҙы ағыулау эше тамамланыуға яҡынлаша. Дым булғанда, орлоҡтарҙы ергә һалып ҡалырға кәрәк. Ошо ниәттә механизаторҙар ҙа тырыша, — ти Зәбир Вәкил улы.

Ер тырматыуҙа йөрөгән Рәхимйән Садиҡ улы әйтеүенсә, ерҙә дым бар, быға һуңғы яуып үткән ҡар ҙа булышлыҡ иткән. Унан инде игендәр дәррәү шытып сығып, ваҡытында ямғырҙар яуһа, игенсенең түккән көсө бушҡа китмәҫ, баҫыуҙар мул уңыш менән һөйөндөрөр тигән ышаныс ҙур.

Рәмилә ИСТАНБАЕВА.

Читайте нас:

Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса Федераль хеҙмәттең Башҡортостан Республикаһы буйынса идаралығында 2015 йылдың 6 ноябрендә теркәлде. Теркәү номеры ПИ № ТУ 02-01480.

Телефон

8(34772) 2-15-04

Электрон почта

[email protected]

Адресы

453620 Абзелиловский район, с. Аскарово, ул. Ленина, 14а

Реклама хеҙмәте

8(34772) 2-15-55

Редакция

8(34772) 2-04-80, 8(34772) 2-04-83

Ҡабул итеү бүлмәһе

Хеҙмәттәшлек

8(34772) 2-04-80, 8(34772) 2-04-83

Кадрҙар бүлеге

8(34772) 2-11-85