Республикала социаль ҡуртым килешеүҙәре буйынса 61 йорт төҙөлгән

Башҡортостан ауылдарында 2020 йылда социаль ҡуртым килешеүҙәре буйынса 61 йорт төҙөлгән.

Бының өсөн «Ауыл биләмәләрен комплекслы үҫтереү» программаһы сиктәрендә 84,3 миллион һум бүленде, тип белдерҙеләр Ауыл хужалығы министрлығынан. “Торлаҡ һәм ҡала мөхите” милле проектына ярашлы булдырылған был программа республикала уңышлы тормошҡа ашырыла, ауыл еренә ауыл хужалығы белгестәрен йәлеп итеүгә булышлыҡ итә.