+15 °С
Облачно
А/хужалығы
25 Ноября 2022, 04:35
Татлы ризыҡ етештереү арта
Башҡортостанда бер аҙнала тағы 10 мең тонна шәкәр етештерелгән, республикала яңы уңыш сөгөлдөрөнән бөтәһе 110 мең тонна шәкәр етештерелгән. #региональныепроекты#регпроекты#нацпроектыБашкортостан
23 ноябргә республиканың ике заводы 714 мең тонна тамыраҙыҡ эшкәрткән, дөйөм алғанда, 110 мең тонна шәкәр етештергән. «Раевка шәкәре»нә – 56 мең тоннанан ашыу, Шишмә заводына 53 мең тонна продукт тура килә.
Быйыл республикала 44 мең гектар майҙанда шәкәр сөгөлдөрө үҫтереп алынған. Татлы тамырҙың тулайым йыйымы – 1,39 миллион тоннаға яҡын, уртаса уңыш – гектарынан 309 центнер.
Шәкәр заводтары татлы продукцияныц сит илдәргә лә һатыуҙы планлаштыра. Шуның менән шәкәр етештереүселәр “Халыҡ-ара кооперация һәм экспорт” милли проектын үтәүгә лә үҙ өлөшөн индерәсәк.
