Был продукция «Элеватор», «Шишмә май экстракцияһы заводы» яуаплылығы сикләнгән йәмғиәттәре һәм «Шишмә шәкәр заводы» асыҡ акционерҙар йәмғиәтенең заводтарында етештерелгән. Көнбағыш шроты һәм сөгөлдөр һығындыһы партиялары Ҡытай һәм Латвияға оҙатылған.
Ауыл хужалығы министрлығы мәғлүмәттәре буйынса, төбәктең агросәнәғәт комплексы йыл башынан сит илдәргә 269,3 миллион долларлыҡ продукция сығарған. Экспорт структураһында төп өлөштө, йәки 66,5 процентты май продукцияһы биләй, икенсе урында – май үҫентеләре орлоғо, спирттар, бал (16%) килә.