-3 °С
Болотло
Антитеррор
Бөтә яңылыҡтар
А/хужалығы
11 Ғинуар 2023, 15:00

Республикала агросәнәғәт кластеры буласаҡ

Ул Рәсәй буйынса тәүге ҙур комплекс һәм ауыл хужалығы тауарҙарын етештереүселәрҙе берләштерәсәк. #региональныепроекты#регпроекты#нацпроектыБашкортостан

Республикала агросәнәғәт кластеры буласаҡ
Республикала агросәнәғәт кластеры буласаҡ

 Комплекс республика һәм Волга буйы төбәктәрендә урынлашҡан 9 предприятиены берләштереп, ит, һөт ризыҡтарын эшкәртеү, мал аҙығы етештереүҙән алып, һаҡлау һәм һатыу менән шөғөлләнәсәк.

Төп маҡсат - кластерҙың башҡа ҡатнашыусылары етештергән сеймал, материалдар иҫәбенә сит ил продукттарынан баш тартыу һәм яңы предприятиелар төҙөү. Кластер сиктәрендә етештереүселәргә федераль субсидиялар, ташлама алыу ябайлашып, төбәк кимәлендә уларҙың проекттары өҫтөнлөклө һаналасаҡ.

  -Бөгөн кластер сиктәрендә тормошҡа ашырыласаҡ бер нисә проект әҙер. Уларҙың береһе - Подымалов ауылындағы агросәнәғәт паркына 25 миллиард һумға яҡын инвестиция йүнәлтелгән. Ойошма республикала етештерелгән продукцияны эшкәртеү, һаҡлау, төрөү һәм һатыу менән шөғөлләнәсәк. Тағын бер нисә проект логистикаға бәйле,  - тип белдерҙе Алексей Гусев, Башҡортостандың Сауҙа һәм хеҙмәттәр министры Алексей Гусев.

Планлаштырылған объекттар яҡынса 41 миллион һумға баһалана. Комлекстың төп резиденты - «Таврос» компаниялар төркөмө. Ул Шишмә шәкәр заводы, 1-се Дәүләкән иген продукттары комбинаты, «Башҡортостан ит компанияһы» кеүек бер нисә төбәк предприятиеларын берләштерә.

 

Автор:Динара Сафиуллина
Читайте нас: