Уларҙы тормошҡа ашыу барышында өс меңдән ашыу эш урыны булдырыласаҡ. Үткән йылда республикала инвестицияларҙың дөйөм күләме 277,7 миллиард һум тәшкил иткән. Бындай күрһәткес менән Башҡортостан Волга буйы федераль округы төбәктәре араһында икенсе урында тора.
Республиканың социаль-иҡтисади үҫеш күҙаллауҙарына ярашлы, 2023 йылда төп капиталға инвестициялар 535,7 миллиард һумға баһалана. Өҫтөнлөклөләр исемлегендә дөйөм суммаһы 761,3 миллиард һумлыҡ 289 проект иҫәпләнә.
Әйткәндәй, 2022 йылда 37 өҫтөнлөклө проекттың 12-һе ауыл хужалығы өлкәһенә тура килгән, улар буйынса инвестициялар 6,4 миллиард һум тәшкил иткән.
Шулай уҡ уҙған йылда Башҡортостандың йылдам социаль-иҡтисади үҫеш биләмәләрендә 14,5 миллиард һумлыҡ проекттары менән 29 резидент теркәлгән. Ошо проекттарҙы тормошҡа ашырыуҙан һуң яңынан 2,5 меңдән ашыу эш урыны барлыҡҡа киләсәк.