Өфөлә Рәсәй һәм Беларусь төбәктәренең халыҡ хужалығы ҡаҙаныштары күргәҙмәһе үтә

        28 июнгә тиклем дауам итәсәк юбилей форумының төп бурысы - ике дәүләттең мәҙәни, сауҙа-иҡтисади һәм фәнни-мәғариф бәйләнештәрен нығытыу.

       Сараның программаһында ҙур эшлекле һәм мәҙәни өлөштәр ҡаралған. Әйтәйек, Зәки Вәлиди урамында Рәсәй һәм Беларусь төбәктәренең халыҡ хужалығы ҡаҙаныштары күргәҙмәһе үтә.

 Экспозицияның бер өлөшө майҙаны 2 700 квадрат метр тәшкил иткән павильонда урынлашҡан. Рәсәйҙең 19 компанияһы һәм 10 белорус компанияһы үҙҙәренең продукцияһын тәҡдим итә.

      Күргәҙмә павильондары «Торатау» конгресс-холы алдындағы майҙанда ла урынлашҡан. Унда ике дәүләттең 19 төбәгенән 35 компания ҡатнаша.

Бында  100-гә яҡын берәмек төрлө техника ҡуйылған, уны теләге булған һәр кем ҡарай ала.