Алдынғыларға дан һәм хөрмәт!

Өфөлә Ауыл хужалығы һәм эшкәртеү сәнәғәте хеҙмәтсәндәре көнөндә Андрей Назаров ауыл хужалығы тармағының иң алдынғы эшсәндәренә дәүләт наградалары тапшырҙы. Улар араһында “Красная Башкирия” яуаплылығы сикләнгән йәмғиәтенең тракторсы-машинисы Р. Ә. Ғәлиуллин да бар. Риф Әхмәтзәки улы ӘМал аҙығы әҙерләүҙә һөнәре буйынса иң яҡшы” исеменә лайыҡ булды һәм уға башҡортостан Хөкүмәтенең дипломы һәм аҡсалата премия бирелде. Бөтә ғүмерен ерҙә эшләүгә, иген игеүгә, мал аҙығы үҫтереүгә арнаған алдынғы тракторсы лайыҡлы наградаға лайыҡ.

“Красная Башкирия” ЯСЙ-һында үҫтерелгән иген, майлы культуралар сит илдәргә лә оҙатыла. Хужалыҡтың “Халыҡ-ара кооперация һәм экспорт” милли проектына индергән өлөшөндә Риф Ғәлиуллиндың да өлөшө баһалап бөткөһөҙ, тимәк.