Экспорт арта

Рапс – юғары маржиналь майлы культура. Унан аҙыҡ-түлек, фармакология, косметика сәнәғәте өсөн май етештерәләр, шуға күрә культура сит илдәрҙә лә талап ителә. Экспортҡа йүнәлтелгән тауар кәрәкле лаборатор тикшереүҙәр үтә. Ведомство мәғлүмәттәре буйынса, тауар импортты ҡабул иткән илдең талаптарына тап килә, уны Ҡытайға оҙатҡандар ҙа инде.

Быйылғы сәсеү миҙгелендә төбәктә аграрийҙар 58 мең гектар майҙанда рапс сәскән һәм 89 мең тонна май орлоғо алған. Биш мең тоннанан ашыуын Шишмә май экстракцияһы заводында эшкәрткәндәр, ике мең тоннанан ашыу үҫемлек майы алғандар.

Был яңы иҡтисади бәйләнештәр булдырыуға һәм Рәсәй тауарҙары экспортын үҫтереүгә йүнәлтелгән “Халыҡ-ара кооперация һәм экспорт” милли проекты  (национальный проект “Международная кооперация и экспорт”) үтәлешенә лә булышлыҡ итә.