+25 °С
Болотло
А/хужалығы
16 Апрель 2025, 05:30
Сәсеү эштәре лә етте
Техник культуралар майҙаны артасаҡ
Сәсеү эштәре лә етте
Башҡортостанда быйыл бөртөклөләрҙең дөйөм майҙаны 1,538 миллион гектарҙан ашыуыраҡ була, тип хәбәр итте республика вице-премьеры — ауыл хужалығы министры Илшат Фәзрахманов.
«Техник культуралар майҙанын 635 мең гектарға еткерергә уйлайбыҙ. Был уҙған йылдағыға ҡарағанда 80 мең гектарға күберәк», — тине республиканың аграр ведомствоһы етәксеһе.
Шул уҡ ваҡытта быйыл Башҡортостанда, техник культураларҙан тыш, мал аҙығы культураларының майҙанын 28 мең гектарға арттырыу планлаштырыла. Йәмғеһе 599 мең гектарҙа (+5%) ултыртыла. Асыҡ грунтта картуф һәм йәшелсәләр майҙаны былтырғы кимәлдә һаҡлана (яҡынса 50 мең гектар).
«Ғөмүмән, яҙғы сәсеү 2,152 миллион гектарҙа планлаштырыла, был уҙған йылға ҡарағанда 4,4 процентҡа күберәк», — тип билдәләне Илшат Фәзрахманов.
