"Торлаҡ һәм ҡала мөхите", "Демография" милли проекттарына ярашлы төҙөлгән мөһим объекттар баш ҡаланың юбилейына әҙерләнә.
Шулар иҫәбендә Дан бульвары һәм ике тапҡыр Советтар Союзы Геройы Муса Гәрәевтың скверы, Йылы күленең көньяғында урынлашасаҡ ишкәкле слалом комплексы бар.
Дан бульварында яңыртыу эштәренең ҡыҙған мәле. Бында балалар майҙансығы ла, стритфуд-киоскылар ҙа, эскәмйәләр ҙә, спорт менән шөғөлләнеү урыны ла буласаҡ. Унда матур газон һәм бик күп ҡыуаҡлыҡ ултырыу ҙа ҡаралған.
Ә Йылы күлдәге төҙөлөш иһә "Спорт - йәшәү нормаһы" федераль программаһына ярашлы бара.