Хөрмәтле дуҫтар! Һеҙҙе милли кейем көнө менән ҡотлайбыҙ!

Иң сағыу һәм матур байрамдарҙың береһе төбәктә йәшәгән халыҡтарҙың йолаларына һәм мәҙәниәтенә иғтибар итергә мөмкинлек бирә.

Башҡортостанда 160-тан ашыу милләт вәкиле йәшәй. Һәр халыҡтың үҙенең тарихи, мәҙәни үҙенсәлеге бар һәм улар милли кейемдә сағылыш тапҡан. Уны халыҡ йолалары һәм ғөрөф-ғәҙәттәре кеүек үк һаҡларға кәрәк. Шуныһы ҡыуаныслы, милли кейем бөгөн дә көнүҙәклеген юғалтмаған һәм күптәрҙе ҡыҙыҡһындыра, илһамландыра. Бигерәк тә йәш быуындың милли кейемде яратып кейеүе ҡыуандыра. Милли кейем беҙҙе шанлы тарихыбыҙ, тыуған еребеҙ менән бәйләй, мәҙәниәтебеҙҙең, рухиәтебеҙҙең бер сағылышы булып тора.