Бөтә яңылыҡтар
Атайсал
28 Ғинуар , 17:30

Илназ #Өйҙә студенттар фестивалендә ҡатнаша

Асҡар егете Илназ Иҫәнаманов #Өйҙә студенттар фестивалендә ҡатнашасаҡ. Былтыр 1-се Асҡар урта мәктәбен алтын миҙалға тамамлаған егет әлеге ваҡытта Ҡазан дәүләт энергетика университетының һанлы технологиялар һәм иҡтисад институтында информатика һәм иҫәпләү техникаһы йүнәлеше буйынса белем ала. Әйткәндәй, Рәсәй студенттары көнөнә арналған #Өйҙә студенттар фестивале республикала быйыл тәүгә үтә.

Илназ #Өйҙә студенттар фестивалендә ҡатнаша
Илназ #Өйҙә студенттар фестивалендә ҡатнаша

5 февралдә Өфөлә Көрәш һарайында Башҡортостан студенттарының #Өйҙә фестивале үтәсәк. Ул Рәсәй студенттары көнөнә арнала. Унда Башҡортостандың юғары һәм урта һөнәри уҡыу йорттары һәм республиканан ситтә уҡыусы студенттар ҡатнашасаҡ.

Сарала ҡатнашыусыларҙы бай программа көтә: алдынғы предприятиелар һәм корпорациялар етәкселәре менән аралашыу, эшҡыуарҙар һәм бизнес хужаларынан лекциялар, йондоҙҙар менән мотивацион осрашыуҙар һәм башҡалар.

Көн дауамында ҡатнашыусылар интерактив форматта үҙ-үҙеңде тормошҡа ашырыуҙың өҫтәмә мөмкинлектәре тураһында ла белә ала. Фестивалдә төрлө ойошмаларҙың күргәҙмә майҙансыҡтары һәм уйын зоналары тәҡдим ителәсәк. 

Сара башҡорт, рус һәм татар эстрадаһы йондоҙҙары ҡатнашлығында дискотека менән тамамланасаҡ.

Автор:Гөлнара Күсәрбаева
Читайте нас: