Бөтә яңылыҡтар
Һаулыҡ һаҡлау
31 Декабрь 2019, 09:30

«Һаулыҡ һаҡлау» милли проекты: йыл йомғаҡтары

Республиканың һаулыҡ һаҡлау министрлығында «Һаулыҡ һаҡлау» милли проектының йомғаҡтары тураһында хәбәр иттеләр.

БР Һаулыҡ һаҡлау министрлығында «Һаулыҡ һаҡлау» милли проекты буйынса республикала 2019 йылда башҡарылған эштәргә йомғаҡ яһалды.
Хәтерегеҙгә төшөрәбеҙ, ул Рәсәй президенты Владимир Путин инициативаһы менән тормошҡа ашырыла.
Бөтәһе милли проектҡа федераль бюджеттан 2,5 млрд һум йүнәлтелгән, шул уҡ күләмдә саралар төбәк бюджетынан алынған. Был аҡсаға 21 күсмә ФАП һәм ете күсмә флюорограф һатып алынған; модуль конструкциялары нигеҙендә 28 ФАП һәм бер табип амбулаторияһы төҙөлгән; 4 капиталь ФАП файҙаланыуға тапшырылған һәм тағы ла шундай уҡ 13 объект төҙөлә башланған. Дауаханалар һәм поликлиникалар өсөн алты компьютер томографы, ике магнит-резонанс томографы, ангиограф, маммограф, 12 рентген аппараты, видеоэндоскопик йыһаз һатып алынған. Дүрт амбулатор онкологик ярҙам үҙәге булдырылған. 263 дана медицина йыһазы ҡайтартылған. 18 балалар поликлиникаһына капиталь ремонт эшләнгән.
Читайте нас в