Февралдә Рәсәйгә ҡытай коронавирусы үтеп инеүе мөмкин

Эксперттар февралдә Рәсәй биләмәһендә коронавирустың яңы штаммы таралыуын фаразлай, тип хәбәр итә ТАСС.

Һаулыҡ һаҡлау министрлығы Милли медицина фтизиопульмонология тикшеренеү үҙәге докладында ошондай мәғлүмәт бар.

Эксперттар Рәсәй биләмәһендә коронавирус таралыу хәүефен юғары тип баһалай. Сәбәптәре бер нисә. Улар араһында – вирустың һауа аша йоғоуы, сирҙең тиҙ таралыуы, Ҡытайҙың Приморье һәм Хабаровск крайы, Йәһүд автономиялы округы һәм Амур өлкәһе менән сиктәш төньяҡ провинцияларында яңы осраҡтарҙың асыҡланыуы, шулай уҡ ҡытай календары буйынса Яңы йылды байрам итеү.

Шуның менән бергә, ошо тикшеренеү үҙәге белгестәре иҫәпләүенсә, Рәсәйҙә коронавирустың таралыу хәүефе түбән.