Башҡортостанда Рәсәй курорттарынан ҡайтыусыларҙы коронавирусҡа тикшерәсәктәр.

Республика коронавирусҡа ҡаршы көрәш буйынса оператив штаб ҡарарына ярашлы, илдең курорттарынан ҡайтыусы граждандарҙың барыһын да коронавирусҡа тикшерәсәктәр.

Уларҙың ниндәй ысул менән ҡайтыуына ҡарамаҫтан - самолетта, поезда йәки машиналамы бөтә туристарҙа вирусҡа тест үтергә тейеш. Штаб ағзалары фекеренсә, курорттарҙа ял итеүселәр социаль ара һаҡламай, битлек кеймәйҙәр. Айырыуса Сочи, Адлер, Анапа, Ялта, Алушта һәм Евпатория тирәһенән килеүселәр ентекле тикшереләсәктәр.