Киҙеүгә ҡаршы вакцинация башлана

Башҡортостанда йәшәгән халыҡтың 60 проценты киҙеүгә ҡаршы бушлай вакцинация үтәсәк.

Был турала республика Башлығы Радий Хабиров Хөкүмәттең оператив кәңәшмәһендә хәбәр итте. “Иммунологтар быйылғы миҙгелдә агрессив киҙеү күҙаллай. Шуға күрә Республика халҡының 60 процентына вакцинация эшләр кәрәк. Ә хәүеф төркөмөнә беҙҙә 75 процент кеше инә. Ҡышҡы осорҙа көсәйеүсе миҙгел ауырыуҙарына беҙ әҙер булырға тейеш. Вакцина бушлай буласаҡ”, - тине Р. Хабиров. Төбәк һаулыҡ һаҡлау министрлығы белдереүенсә, халыҡты киҙеүҙән вакцинациялау сентябрҙә башлана.