Яңы «Ансат» санитар вертолеты

Башҡортостанда “Һаулыҡ һаҡлау” милли проекты сиктәрендә “Ансат” санитар вертолеты тәүге осоштарын башланы.

Яңы вертолет барлыҡ махсус кәрәкле ҡорамалдар менән йыһазландырылған, шул иҫәптән юғары технологиялы медицина ҡорамалдары. Башҡортостанда һигеҙ медицина ойошмаһы эргәһендә – Баймаҡ, Белорет, Нефтекама, Октябрский, Стәрлетамаҡ, Сибай, Мәсәғүт, Асҡын ауылында вертолет төшөү майҙансығы төҙөләсәк. Өфөлә тағы ла алты иң эре медицина үҙәктәре эргәһендә ошондай майҙансыҡтар файҙаланыуға тапшырыласаҡ.