БР һаулыҡ һаҡлау министры урынбаҫары COVID-19 хаҡында

— юғары температура,

— тын алыуы ауырлашыу,

— сөскөрөү, йүтәл һәм тымау,

— мускулдар һәм күкрәк ауыртыуы,

— баш ауыртыу һәм хәлһеҙлек,

— хатта күңел болғаныу, уҡшытыу һәм эс китеү ҙә булыуы мөмкин.

COVID-19 менән сирләүсе кеше менән бәйләнештә булһағыҙ, ауырыу көслө булған сит илдән ҡайтһағыҙ, юғары температура, йүтәл һәм тын алыу ауырлашыуы күҙәтелһә, өйҙә генә тороғоҙ.

Әгәр ҙә кеше ауырып китеп, нимә икәнен аңлай алмаһа, иң яҡшыһы диагнозды асыҡлатыу һәм медицина ярҙамы алыу өсөн табипты өйгә саҡыртыу.

«Коронавирус пандемияһы арҡаһында 2020 йылда медицина ярҙамы алыу өсөн, температура күпме булыуына ҡарамаҫтан, табипты өйгә саҡыртырға мөмкин. Элекке кеүек 38,5 градусҡа тиклем тигән сикләүҙәр юҡ», – ти министр урынбаҫары.

* Социаль дистанция һәм битлек режимын тотоғоҙ!

* Ҡулығыҙҙы йыуығыҙ һәм махсус препарат менән эшкәртегеҙ!

* Ҡулығыҙ менән битегеҙгә теймәгеҙ!

* Кешеләр күпләп йыйылған урында йөрөмәгеҙ!

* Сәйәхәттәрҙән баш тартығыҙ!

Яҙғыһын хәл бик ауыр ине, әле лә ҡатмарлы. Әммә улай уҡ киҫкен түгел, контролдә тотоп була.

Пневмонияны диагностикалау ике ысул менән башҡарыла: КТ һәм рентген. Уларҙың икәүһе лә берҙәй үк һөҙөмтәле. Сирҙең ауыр стадияларында асыҡлау талап ителгәндә КТ үткәрелә. Ә башҡа осраҡта күкрәк ситлеге органдарына рентген үткәреү ҙә етә. Компьютер томографияһының дарыу түгеллеген, кеше сәләмәтлегенә зыян килтереүсе нурланыу икәнен иҫтән сығарырға ярамай.

Ҡағиҙә булараҡ, ауырый башлағас та биш-алты көн эсендә үпкәнең зарарланыуы күренмәй, шуға күрә тәүҙә температура булһа ла, КТ үтергә ашығырға кәрәкмәй. Һәр кемдең күрһәткестәре буйынса тикшереү айырым билдәләнә. Компьютер томографияһына йүнәлтмә биреү тураһындағы ҡарарҙы дауалаусы табип ҡабул итә.

КТ үтеү өсөн нигеҙ булып, биш көндән ашыу тән температураһының 38 градустан юғары булыуы, тын етмәү, киҫкен тын алыуы ауырлашыуы, күкрәктә ауыртыу барлыҡҡа киелү, ҡандың кислород менән тәьмин ителеүенең 92 – 90 проценттан түбән булыуы тора.

Тикшереү үткәреү мәсьәләһен табип хәл итә. Пациент һәм уның туғандары КТ үтергә кәрәкме-юҡмы икәнен объектив баһалай алмауы мөмкин. КТ 4-се көндә йә температура юғары булғанда эшләнергә тейеш тигән шаблон юҡ.

Ул тын етеү-етмәүен асыҡлау өсөн кәрәкле тикшереү. Махсус приборҙар менән табиптар эш итә. Кешеләр үҙҙәре лә аңлап, ҡандың кислород менән тәьмин ителеүен күҙәтеп барһа, яҡшы булыр ине.

Күрһәткес 97-99 — норма иҫәпләнә.

95-тән әҙерәк — күҙәтеп торорға, 92-90-ға төшһә – поликлиниканан табип саҡыртырға.

Тикшереү үткәргәндә, кеше тын алмай торған ваҡытта, ҡандың кислород менән тәьмин ителеүе кәмергә мөмкин, шунлыҡтан күрһәткес тә төшә. Әммы ул нормаль күренеш. Шул уҡ ваҡытта бөтәһе лә айырым кешенең организмына бәйле, шуға күрә ауырыуҙың билдәләрен дөйөмләштереп ҡарарға кәрәк.

Контактһыҙ градусниктарға өҫтөнлөк бирелә. Уларға ышаныс ҙурыраҡ. Ә ғәҙәти градусниктарға килгәндә, урамдан, һыуыҡтан килеп ингән кешенең тән температураһы түбәнерәк тә булыуы ихтимал. Шулай уҡ киреһенсә, кеше хәрәкәт итеп йөрөгәндән һуң бинаға ингәндә контактһыҙ термометр юғары температура күрһәтеүе мөмкин.

Коронавирусҡа ышанмаусылар, уны кемдер уйлап сығарған тиеүселәр әле лә барҙыр. Булған хәлдә уларға һөйләргә түгел, ә ауырыуҙың организмға нисек йоғонто яһауын күрһәтергә кәрәктер.

Ауырыу көсәйеү сәбәпле, ”Ашығыс ярҙам” саҡыртып шылтыратыуҙар бермә-бер артты. Шунлыҡтан ниндәйҙер сәбәп менән уларға шылтыратып та ала алмайһығыҙ икән, БР һаулыҡ һаҡлау министрлығының коронавирус һорауҙары буйынса ҡыҙыу линияһына шылтыратығыҙ: 8(347) 286-58-27, 8(347) 279-91-20.