Медиктар өсөн «ышаныс телефоны»

Был юлы ул медицина хеҙмәткәрҙәренең үҙҙәренә ярҙам итәсәк. «Һаулыҡ һаҡлау» милли проекты сиктәрендә булдырылған бәйләнеш — 8 (347) 232-88-70 телефонына шылтыратып, медиктар психологик ярҙамға өмөт итә ала. Ни тиһәң дә, бөгөнгө заманда, пандемия шарттарында уларға бик ауырға тура килә, иртәнән киск хәтлем аяҡ өҫтөндә, тын алғыһыҙ костюмдарҙа эшләгән, уның араһында сирлеләрҙән әллә күпме ялыу ишеткән медиктар үҙҙәре лә психологик яҡтан ҙур стресс кисерә. Шуға улар ҙа ябай йылы һүҙгә, кәңәшкә мохтаж. «Ышаныс телефоны» көн һайын 9-ҙан 21 сәғәткә тиклем эшләй.