«Һаулыҡ һаҡлау» милли проекты сиктәрендә йыл аҙағына тиклем республикаға тағы 13 компьютер томографияһы үткәреү комплексы ҡайтарыласаҡ. Сәләмәтлекте тикшереүҙә бик мөһим булған аппараттар Республика клиник онкология диспансерында, баш ҡаланың 18-се дауаханаһында, шулай уҡ Сибай, Стәрлетамаҡ, Бөрө, Октябрьск, Күмертау, Ишембай, Баймаҡ ҡалалары, Дүртөйлө, Учалы һәм Шишмә райондарының үҙәк дауаханаларында ҡуйыласаҡ.