Республикаға коронавирусҡа ҡаршы 150 меңдән ашыу доза вакцина килтерелә

Башҡортостанға март аҙағына тиклем коронавирус инфекцияһына ҡаршы 150 меңдән ашыу доза вакцина килтерелә.

Февралдә 50,8 мең, мартта 100,7 мең доза вакцина киләсәк. «Республикала күпләп прививка яһау «ковидҡа ҡаршы паспорт» алыу менән бәйле. Был поликлиникала вакцина һалдырғандан йәки COVID-19 менән ауырығандан һуң «Дәүләт хеҙмәттәре» порталында кешенең шәхси кабинетында булдырылған QR-код», — тип аңлатты Башҡортостандың һаулыҡ һаҡлау министры урынбаҫары Ирина Кононова.