Диспансеризация үткәреү башлана

Февраль уртаһынан Башҡортостанда халыҡҡа диспансеризация үткәреү башлана. Аныҡ дата Роспотребнадзор белгестәре менән килешкәндән һуң билдәләнә, тип хәбәр итте республиканың һаулыҡ һаҡлау министры Максим Забелин. «Сәләмәт республика – сәләмәт төбәк» акцияһына килгәндә, уны 19 апрелдә башлау планлаштырыла. “Һаулыҡ һаҡлау” милли проектына ярашлы булдырылған «Сәләмәтлек поездары» Башҡортостан буйлап иртәрәк юлға сығасаҡ, тип өҫтәне республиканың һаулыҡ һаҡлау министры.