Медицина инспекторҙары тағы буласаҡ

Башҡортостан Башлығы Радий Хәбиров республикала яңы коронавирус инфекцияһы менән ауырыусыларҙың күбәйеү ихтималлығын әйтте. Шуға күрә 1 сентябрь алдынан мәғариф учреждениеларында йәнә медицина инспекторҙарының эше йәнләндерелә.

«Сирҙең был штамы ҡатмарлы. Уның менән балалар ҙа ауырый. Һаулыҡ һаҡлау министрлығына Башҡорт дәүләт медицина университеты менән берлектә дүртенсе-бишенсе курс студенттарын йәлеп итергә кәрәк, улар үҙҙәренең райондарында эшкә йәлеп ителәсәк», — тине Радий Хәбиров.

Республика етәксеһе һүҙҙәренсә, алдағы аҙнала яңы коронавирус инфекцияһына ҡаршы көрәш буйынса оператив штаб сикләү индереүгә бәйле ҡарар ҡабул итергә йыйына.