Кефир вакцинаһы

Рәсәй фәндәр академияһының эксперименталь медицина институты  ғалимдары уйлап тапҡан вакцина тәме һәм төҫө менән кефирға оҡшаған. Сентябрҙә башланасаҡ үҙенсәлекле эксперимент, йәғни  COVID-19 ҡаршы  кефир вакцинаһын хайуандарҙа тикшерә башлайҙар. Эксперттар билдәләүенсә, әгәр вакцина эсемлектәр рәүешендә булһа, ул тиҙерәк үҙләштереләсәк. Тимәк, тамаҡ буйындағы вирустар организмға үтеп ингәнсе юҡ ителәсәк.

Бындай төр вакцина өҫтөндә сит илдәрҙә ике йөҙләгән лаборатория эш алып бара. Беҙҙең илдә экспериментта коронавирус йөрөтөүсе биш төркөмгә бүленгән йөҙҙән ашыу ҡомаҡта тикшереүҙәр үткәрәсәктәр.