В. Путин балалар реабилитация үҙәгендә булды

Һаулыҡ һаҡлау министры Михаил Мурашко һәм Мәскәү өлкәһе губернаторы Андрей Воробьёв менән ил Башлығы консультация-диагностика үҙәген, һыу менән дауалау блогын, социаль-психологик реабилитациялау өсөн мәктәп зонаһын, медицина ҡорамалы менән тренажёр залын, пациенттар өсөн стационарҙы ҡараны.

“Һаулыҡ” милли проекты сиктәрендә төҙөлгән федераль балалар реабилитация үҙәге бөгөндән эшләй башланы. Был үҙәк Бөтә Рәсәй төбәктәренән бер айлыҡ сабыйҙан 18 йәшкә тиклемге үҫмерҙәрҙе дауалауға ҡабул итәсәк. Ете реабилиация бүлегенән торған көндөҙгө һәм тәүлек әйләнәһенә эшләгән стационарҙа йыл һайын алты меңдән ашыу пациентҡа ярҙам күрһәтеләсәк.