+8 °С
Болотло
Антитеррор
Бөтә яңылыҡтар
Общие статьи
21 Май 2020, 18:23
Ауылда йортло булам тиһәң...
Ауыл хужалығы министрлығының “Башҡортостан Республикаһының ауыл биләмәләрен комплекслы үҫтереү” программаһы ярҙамында төбәктә 200 ғаилә торлаҡ шарттарын яҡшыртасаҡ. #национальныепроекты#регпроекты#нацпроектыБашкортостан
Ошо проект буйынса сертификаттарға 371 миллион һум һум аҡса бүленгән. Ведомствола белдереүҙәренсә
,
ярҙам күләме ғаиләлә нисә кеше йәшәүенә ҡарап иҫәпләнә. Уның дәүмәле 700 мең һумдан ике миллион һумға тиклем тәшкил итә.
Әйткәндәй, программа йыл башынан эшләй. Ул бынан алда ҡабул ителгән “Башҡортостан Республикаһында ауыл хужалығын үҫтереү һәм ауыл хужалығы продукцияһы, сеймалы һәм аҙыҡ-түлеге баҙарын көйләү” дәүләт программаһына ярашлы бойомға ашырылған “2020 йылға тиклем Башҡортостан Респубикаһының ауыл биләмәләренең тотороҡло үҫеше” программаһына алмаш булып тора.
Ауыл хужалығы министрлығы күрһәткестәре буйынса, ауыл ерендә 40 процент йорттар төҙөкләндерелгән. Шул уҡ ваҡытта йорттарҙың 38,5 проценты – үҙәк канализация, 60 проценты – һыу, 85 проценты газ менән тәьмин ителгән.
“Ауыл биләмәләрен комплекслы үҫтереү” дәүләт программаһы республикала “Торлаҡ” милли проектын ғәмәлгә ашырыуға булышлыҡ итә.
Читайте нас: