Әбйәлилдәр тыныслыҡ өсөн

"Рәсәй өсөн" музыкаль-патриотик марафонына Әбйәлил районы ла ҡушылды. Асҡарҙың үҙәк майҙанында барған концертта район мәҙәниәт һарайы артистары, Таһир Кусимов исемендәге гимназияның "Талисман", "Йондоҙ" һәм "Тамъян" ансамблдәре, 1-се Асҡар урта мәктәбенең "Алтынай" бейеү ансамбле сығыш яһаны. Район хакимиәте башлығының беренсе урынбаҫары Руслан Хәлилов тамашасыларҙы тәбрикләне. "Боевое братство" ойошмаһы ағзалары башҡарған йыр концерттың йәме булды. Илһөйәрлек рухын сағылдырған тамаша әбйәлилдәрҙе берләштереүсе, барыбыҙ ҙа ил өсөн, тыныслыҡ өсөн булыуын дәлилләүсе сараға әүерелде.