Интернет һәр ауылға етәсәк

Республикала төпкөл ауылдарҙы ла Интернет селтәренә тоташтырыу эше әүҙем бара. 2024 йылға мәктәптәрҙең 100 процентын, фельдшер-акушерлыҡ пункттарын, шулай уҡ ғаиләләрҙең 94 процентын Интернет селтәре менән тәьмин итеү бурысы ҡуйылған.

Әйткәндәй, Рәсәй Президенты Владимир Путиндың май указдарын үтәү маҡсатында Башҡортостанда “Һанлы иҡтисад” дөйөм дәүләт проектына 600 миллион һум аҡса бүленә.