Бөтә яңылыҡтар
Иҡтисад
17 Март 2020, 10:00

Эшҡыуарҙарға дәүләт ярҙамы

Быйыл эшҡыуарлыҡҡа ярҙам итеү өсөн республика һәм федераль бюджеттан 2,318 миллиард һум аҡса бүленгән. Уны бәләкәй һәм урта эшҡыуарлыҡтың 20,7 мең субъекты аласаҡ.#национальныепроекты; #регпроекты; #нацпроектыБашкортостан

Быйыл эшҡыуарлыҡҡа ярҙам итеү өсөн республика һәм федераль бюджеттан 2,318 миллиард һум аҡса бүленгән. Уны бәләкәй һәм урта эшҡыуарлыҡтың 20,7 мең субъекты аласаҡ. Уҙған йылда дәүләт ярҙамы менән 8,4 мең эшҡыуар файҙаланған. Был турала кисә Хөкүмәттә үткән оператив кәңәшмәлә республиканың эшҡыуарлыҡ буйынса дәүләт комитеты рәйесе Римма Бойцова еткерҙе.
Был саралар “Эшҡыуарҙар башланғыстарына ярҙам итеү” милли проекты һәм “Башҡортостанда бәләкәй һәм урта эшҡыуарлыҡты үҫтереү һәм ярҙам итеү” дәүләт программаһы сиктәрендә бүленгән.
Аҡсаның 106,21 миллион һумы ташламалы финанслауға һәм финанс баҙарына инеү мөмкинлектәрен киңәйтеүгә йүнәлтелә. 266 миллион һумдан ашыуы фермерҙар һәм ауыл хужалығы кооперацияларына ярҙам системаһын булдырыуға тотоноласаҡ. 32,4 миллион һум эшҡыуарлыҡты популялаштырыу өсөн кәрәк буласаҡ.
771 миллион һум бәләкәй һәм урта эшҡыуарлыҡ субъекттарын акселерацияға (компанияға үҫешенең башланғыс этабында интенсив ярҙам күрһәтеү) тотоноласаҡ.
#национальныепроекты; #регпроекты; #нацпроектыБашкортостан
Читайте нас в