Башҡортостандың Экспортҡа булышлыҡ итеү үҙәге белгестәре тарафынан Һиндостан, Ҡаҙағстан һәм Ҡырғыҙстан партнерҙарыбыҙ (шул иҫәптән буласаҡ партнерҙарыбыҙ) менән видеоконференциялар ойошторолдо. Был һөйләшеүҙәр "Халыҡ-ара кооперация һәм экспорт" милли проектына ярашлы үтте.
Онлайн-миссияла һиндостан менән ике вариантта хеҙмәттәшлек итеү мөмкинлеге ҡаралды: экспортер тауарын һатып алыу һәм Рәсәй компанияһы продукцияһын һиндостанда етештереү.
Яҡтар хаҡ күләме тураһында ла һөйләште. Әле коммерция тәҡдимдәре әҙерләнә. Киләсәктә хеҙмәттәшлектең төрлө йүнәлеше билдәләнәсәк.
Ҡаҙағстан һәм Ҡырғыҙстан менән онлайн-миссия ла ошондайыраҡ форматта үтте. Артабан да һөйләшеүҙәр буласаҡ.