“Рәсәйҙә эш” кадрҙар үҙәге булдырыла

“Урал аръяғы -2022” инвестһабантуй сиктәрендә Республиканың Ғаилә, хеҙмәт һәм халыҡты социаль яҡлау министрлығы менән ҡала хакимиәте араһында заманса мәшғүллек хеҙмәтен үҫтереү тураһында килешеү төҙөлдө. 

Килешеүгә ҡул ҡуйған яҡтар уҡыу урындары йәрминкәләрен һәм вакансиялар йәрминкәләре ойошторғанда үҙ-ара хеҙмәттәшлек итергә килештеләр.

  «Киләсәктә республиканың бөтә ҡала һәм район үҙәктәрендә заманса кадрҙар үҙәктәре булдырырға планлаштырабыҙ. Урал аръяғында “Киләсәк фабрикаһы” концепцияһы сиктәрендә Сибайҙа барлыҡҡа киләсәк. Мәшғүллек үҙәктәренең хеҙмәте эш биреүселәргә лә, эш эҙләүселәргә лә уңайлы булһын өсөн эшләнә», — тине яңы проект тураһында Хеҙмәт министры  Ленара Иванова.