Инвестициялар күләме артҡан

     Төп капиталға аҡса һалыуҙарҙың дөйөм күләме буйынса республика Волга буйы федераль округында Татарстандан (386,4 миллиард) һәм Түбәнге Новгород өлкәһенән (212,6 миллиард) ҡала өсөнсө урында килә. Волга буйы федераль округының барлыҡ төбәктәрендә, Ульяновск өлкәһенән тыш (-22,4%) инвестицияларҙың артыуы күҙәтелә.

       Иң ҙур үҫеш Мордовияла, унда капитал һалыуҙар күләме 34,7 процентҡа, йәки 26,9 миллиард һумға тиклем артҡан. Икенсе урында Һарытау өлкәһе  25,5 процентҡа, йәғни  82,7 миллиард һумға тиклем артҡан. Өсөнсө урында Түбәнге Новгород өлкәһе 19,2 процент үҫеш. Инвестициялар динамикаһы буйынса Башҡортостан Волга буйы федераль округында унынсы урынды биләй.

     Дөйөм алғанда, Волга буйы федераль округында 2023 йылдың ғинуар-июнендә төп капиталға инвестициялар күләме 1,57 триллион һум тәшкил иткән, был 2022 йылдың шул осоро менән сағыштырғанда 11,6 процентҡа күберәк.

     Рәсәй буйынса дөйөм күрһәткес 7,6 процентҡа, йәғни 11,63 триллион һумға тиклем артҡан.