Хеҙмәт хаҡы арттырыласаҡ

Владимир Путин урман хужалығы, тирә-яҡ мөхитте һаҡлау менән шөғөлләнеүселәрҙең хеҙмәт хаҡын күтәрергә тәҡдим итте. Уның һүҙҙәренсә, улар бик мөһим мәсьәләләрҙе хәл итә, ә килемдәре бик аҙ.

Президент «ағасты рөхсәтһеҙ ҡырҡыу мәсьәләһендә тәртип урынлаштырыу» кәрәклеген дә билдәләне.

«Был тема һәр кеше өсөн мөһим. Хәл яйлап үҙгәрә башланы. 2021 йылдан урмандарҙы ҡырҡыуға ҡарағанда күберәк тергеҙәләр», —  тине Путин Федераль Йыйылышҡа мөрәжәғәтнамәһе ваҡытында.