Металлургия сәнәғәте объекттары сафҡа инә

Силәбе өлкәһендә Магнитогорск металлургия комбинатында (ММК) ҡоро кокслана торған күмер сығарыу буйынса комплекс эшләй башлай. Яңы кокс батареяһы (50 мейестән торған дүрт блок) йылына 2,5 миллион тонна ҡоро кокслана торған күмер етештерә һәм атмосфераға бысратыусы матдәләр сығарыуҙы кәметергә мөмкинлек бирә. Видеоконференция барышында шулай уҡ Магнитогорск ҡалаһындағы «Притяжение» паркында урынлашҡан «Ватандың Ҡорос йөрәге» яҡтылыҡ-музыкаль фонтаны асыла. 400 гектар майҙанлы парк зонаһын үҫтереү ММК етәкселеге инициативаһы буйынса тормошҡа ашырыла. Рәсәйҙә йыл һайын июлдең өсөнсө йәкшәмбеһендә тау-металлургия комплексы хеҙмәткәрҙәре һәм ветерандары көнө билдәләнә.