Белореттар дрондар эшләй

Эшҡыуар бер миллион һумға 34 ҡорамал йыйырға мөмкинлеген белдергән. Аҡсаны Белорет районы һәм ҡалаһы халҡы, эшҡыуарҙар ярҙамында йыйып биргәндәр. “Бөркөт” тип аталған тәүге дронды октябрь башында һынап ҡарағандар.

Данис Сәйетмырҙа улы тәүге 50 дрон әҙер булыуына һөйөнсөләгән.

Шулай итеп,  Белоретта “Алтын бөркөт” дрондарының ҙур партияһы әҙер. 

–Ауырлыҡтар һәм ҡаршылыҡтар күп булды, әммә хәҙер беҙ мәсьәләне хәл итеү юлдарын беләбеҙ. Яҡын арала дрондарҙы егеттәргә алып барам. Улар “ҡоштарҙы” бик көтә. Миңә  ышанған, аҡсалата, кәңәше менән ярҙам иткән һәр кем өсөн был оло уңыш. Дрондарҙы йыйыуҙа ҡатнашҡан һәр белгескә   рәхмәт. Был – беҙҙең уртаҡ ҡаҙаныш!- ти эшҡыуар. - Дрондарҙы йыйыу артабан да дауам итәсәк, шуға ла деталдәр өсөн аҡса йыйыу дауам итә.

МХО-ла ҡатнашыусыларға ҙур ярҙам күрһәткән эшҡыуар илгә тыныс тормош килһә, был тәңгәлдә эшен дауам итәсәк һәм халыҡтың йәшәйешен уңайлыраҡ итеү өсөн кәрәкле әйберҙәр етештерер тигән ышаныста ҡалабыҙ. Һәм, әлбиттә, эшҡыуар һәр эше менән “Бәләкәй һәм урта эшҡыуарлыҡ милли проекты үтәлешенә өлөш индерә.