Инвест-һабантуйҙа перспективалы проект

Сибайҙа үткән «Урал аръяғы-2025» Бөтә Рәсәй инвестиция һабантуйында «Салауат» яуаплылығы сикләнгән йәмғиәте директоры «Геологик разведкала дәүләт стратегияһы: ер аҫты байлыҡтарын файҙаланыу һәм милли мәнфәғәттәр балансы» сессияһында доклад менән сығыш яһаны.

Таһир Бәхтигәрәев геологик разведка эштәренән һуң запастар раҫланған осраҡта тормошҡа ашырыласаҡ перспективалы проект тураһында һөйләне. Проект үҙенең ресурстары менән потенциаль партнерҙарҙа ҡыҙыҡһыныу уятты.