Ҡытай менән Башҡортостан хеҙмәттәшлек тураһында килеште

Ҡытай Халыҡ Республикаһы делегацияһы Башҡортостанға килде.

Сәфәрҙең маҡсаты-селекция эше һәм аттарҙы һәм башҡа ауыл хужалығы малдарын ашатыуҙың алдынғы ысулдары өлкәһендә тәжрибә уртаҡлашыу, шулай уҡ берлектәге ғилми проекттарҙы һәм программаларҙы тормошҡа ашырыуҙа партнерлыҡ мөнәсәбәттәрен киңәйтеү.

Делегация составына Ҡытай ауыл хужалығы университетынан профессор Ванг Цинь һәм «Ухань ЭмДжиАй Тек Ко, лтд» компанияһының «Ауыл хужалығы» йүнәлешен үҫтереү буйынса менеджеры ли Ксингфей инә. Ҡытай делегацияһы визиты сиктәрендә Бөтә рәсәй йылҡысылыҡ ғилми-тикшеренеү институты директоры Александр Зайцев та килде.

Ҡытай вәкилдәре «119-сы Өфө ат заводы» акционерҙар йәмғиәтендә, «Аҡбуҙат» йылҡысылыҡ һәм ат спорты буйынса компетенциялар үҙәгендә, «УралАгро» асыҡ акционерҙар йәмғиәтендә булды. Бынан тыш, Рәсәй фәндәр академияһы Өфө федераль тикшеренеү үҙәгенең ғилми-белем биреү үҙәгендә ауыл хужалығы министры урынбаҫары Фәрит Вәлитов етәкселегендә йылҡысылыҡ өлкәһендә яҡтарҙың хеҙмәттәшлек мәсьәләләре буйынса кәңәшмә үтте.

Сарала ҡатнашыусылар тоҡомло малдарҙы геном баһалау, тоҡомло малдарҙы генотиплаштырыу һәм республикала аттарҙы геном селекцияһы үткәреү өсөн уңайлы технологиялар мәсьәләләрен ҡараны. Ауыл хужалығы малдарының генетикаһы һәм ветеринар именлеге буйынса махсуслашҡан профессор Ванг Цинь, аттар миҫалында, Ҡытайҙың тоҡомло малсылығына молекуляр-генетик инструменттар индереү технологиялары һәм практикаһы менән таныштырҙы.

Бындай хеҙмәттәшлек “Халыҡ-ара кооперация һәм экспортӘ милли проекты нигеҙендә бойомға ашырыла.