Байрам көндәрендә сүп-сар сығарыласаҡ

Ҡалдыҡтарҙы йыйыу һәм сығарыу буйынса төбәк операторҙары һәм коммуналь хеҙмәттәр тарафынан тотороҡло эш өсөн барлыҡ кәрәкле саралар күрелгән, муниципалитеттар менән рейстарҙы күбәйтеүҙе күҙаллаған графиктар килешелгән. Һәр эшмәкәрлек зоналары буйынса төбәк операторҙары тарафынан ведомство етәкселәре урынбаҫарҙары йөҙөндә яуаплы кешеләр тәғәйенләнгән. Улар раҫланған графиктарҙың үтәлешен онлайн режимда контролдә тотасаҡ. Яңы йыл байрамдары осоронда тыуасаҡ һорауҙар буйынса даими рәүештә үҙ-ара мәғлүмәт менән бүлешеү өсөн мессенджерҙарҙа төркөмдәр чаты булдырылған, – тип белдерҙе республиканың Тәбиғәттән файҙаланыу һәм экология министры Урал Искәндәров.

Ял һәм байрам көндәрендә ҡалдыҡтарҙы сығарыу ваҡытын боҙоуҙарҙы иҫкәртеү маҡсатында кире бәйләнеш каналдары ҡаралған. Ҡаты коммуналь ҡалдыҡтарҙы сығарыуға ҡағылған бөтә һорауҙар буйынса туранан-тура төбәк операторҙарына мөрәжәғәт итергә мөмкин. Беҙҙең районды хеҙмәтләндергән «Эко-Сити» предприятиеһының телефон номеры — 8-800-700-49-00.