Путин әсәлек капиталы буйынса үҙгәрештәр индерергә ҡушты

Президент Владимир Путин 31 июлгә тиклем Рәсәй ҡануниәтенә Әсәлек капиталына ғаризаны ҡарау ваҡытын ҡыҫҡартыуға йүнәлтелгән үҙгәрештәр индерергә ҡушты. Уны үтәү өсөн яуаплы итеп Премьер-министр Михаил Мишустин тәғәйенләнде. Билдәле булыуынса, Владимир Путин Федераль Йыйылышҡа мөрәжәғәтнамәһендә беренсе балаға ла Әсәлек капиталы булдырырға тәҡдим иткәйне. Уның әйтеүенсә, яңы ҡағиҙә 2020 йылдың 1 ғинуарынан үҙ көсөнә инергә тейеш. Шулай уҡ был программа 2026 йылға тиклем оҙайтыла. Ә тәүге балаға Әсәлек капиталын март-апрель айҙарында уҡ түләй башларға ниәтләйҙәр.