Коронавирус буйынса тағы ла 35 осраҡ теркәлде

Башҡортостанда коронавирус менән сирләүселәр һаны 490 кешегә етте. Тәүлек эсендә тағы ла 35 кешелә сир асыҡланды.

Республика Һаулыҡ һаҡлау министрлығы мәғлүмәттәренә ярашлы, 25 апрелгә 272 кеше стационарҙарҙа дауалана. Уларҙың 28-енең хәле ауыр тип баһалана. 20 пациент ИВЛ аппаратына тоташтырылған. 145 кеше амбулатор дауаланыу үтә. Һуңғы тәүлектә һауыҡҡан 2 кеше дауаханан сыҡҡан.

Рәсәй буйынса COVID-19 сиренә шик булған 168 мең кеше медиктар күҙәтеүе аҫтында ҡала.

#өйҙәЯҡшыраҡ