Яугирҙәрҙең һаулығын нығытыуға 100 миллион һум аҡса бүленә

2025 йылда махсус операцияла ҡатнашыусы 2,5 меңдән ашыу яугиргә һаулығын нығытыу өсөн бюджеттан 100 миллион һум аҡса бүлеү планлаштырыла. Был хаҡта республика хөкүмәте хәбәр итә. Бөгөнгө көнгә республика шифаханаларында 5 911 яугир һәм уларҙың ғаилә ағзалары дауаланған.

БР бюджетынан финансланған путевканың хаҡы 14 көн өсөн 60 200 һум, ете көн дауаланған өсөн 30 100 һум тәшкил итә. Иҫегеҙгә төшөрәбеҙ, МХО-ла ҡатнашыусылар ҡулайлы вариант һайлай ала: шифаханала үҙҙәре ял итергә, яҡындары менән дауаланыу курсын бүлешергә йәки ҡатынына, ата-әсәһенә (уллыҡҡа алыусыларға) дауаланыу хоҡуғын тапшырырға була. Махсус хәрби операцияла ҡатнашыусылар һәм уларҙың туғандары республиканың 15 шифаханаһында дауаланыу курсын үтә ала.