Коронавирусҡа ҡаршы көрәш иғтибар үҙәгендә

Кәңәшмәлә ҡатнашыусылар террорсыларҙың әүҙемләшеүе сәбәпле, Идлиб провинцияһында киҫкенләшкән хәл тураһында фекер алышты. Шулай уҡ тарала барған коронавирус инфекцияһын иҫкәртеү юлдары ҡаралды.

Ҡытайҙа бөгөн был яңы вирустан 1770 кеше үлгән, тип хәбәр ителә. Ә зарарланыусылар һаны 70 меңдән ашҡан. Шул уҡ мәлдә Ҡытай медиктары вирусҡа ҡаршы көрәшеү маҡсатында яңы вакцина өҫтөндә эш алып бара һәм 11 мең кешенең йүнәлеп, дауаханан сығарылыуы хаҡында белдерә.