+29 °С
Ясна
Антитеррор
Бөтә яңылыҡтар
Хәүефһеҙлек
19 Октябрь 2020, 18:35

Урман янғыны ҡалаға етә яҙҙы...

Баймаҡтар ошо ял көндәрен утҡа ҡаршы көрәшеп үткәрҙе...#национальныепроекты#регпроекты

Ҡоро һауа торошо урман янғындарының һаны артыуына килтергән. Айырыуса Урал аръяғы райондарында хәл хәүефле. Аҙна башынан 132 гектар майҙанда 18 янғынды һүндергәндәр.
Баймаҡ, Ғафури, Йылайыр, Учалы, Хәйбулла урман хужалыҡтарында сыҡҡан янғындарҙы һүндереүгә 242 кеше һәм 94 берәмек махсус техника йәлеп ителгән. Баймаҡта торф ятҡылыҡтарына ут тоҡаныу сәбәпле, ялҡын ҡаланың яңы биҫтәһенә үк килеп етә яҙған. Утты һүндереүгә махсус хеҙмәттәрҙән тыш, ҡала халҡы ла сыҡҡан.
Бөгөн урмандарҙа дүртенсе класс янғын хәүефе һаҡлана. Ҡар яуғанға тиклем көн һайын урмандарҙа патруль буласаҡ. Һауанан да, ерҙән дә тикшереүҙәр даими ойоштороласаҡ. Янғын хәүефһеҙлеген үтәмәгән осраҡта административ штраф һалынғанын иҫегеҙҙән сығармағыҙ.
Башҡортостан Урман хужалығы министрлығы урман янғындары менән һөҙөмтәле көрәшеү өсөн заманса ҡорамалдар ала. Быйыл Башҡортостан ил Президентының май указдары нигеҙендә барлыҡҡа килгән “Экология” милли проектының “Урмандарҙы һаҡлау” төбәк программаһына ярашлы, 20-нән ашыу яңы техника алған. Урманды янғындарҙан һаҡлау үҙәгенең махсус техника менән йыһазландырылыуы 91,7 процентҡа еткерелгән.
Читайте нас: