Эскән килеш руль артына ултырғандарға ҡаршы көрәш көсәйтелә

Рәсәй Президенты Владимир Путин Эске эштәр министрлығы коллегияһында хоҡуҡ һаҡлау органдары хеҙмәткәрҙәренә эскән килеш руль артына ултырғандарға ҡаршы көрәште көсәйтергә ҡушты.

“Һеҙҙән артабан да юл хәүефһеҙлеге йүнәлешендә эште дауам итеп, юл транспорт ваҡиғаларында зыян күреүселәр һанын кәметеү, йәйәүлеләр хәүефһеҙлеген тәьмин итеү, руль артына эскән килеш ултырыусылар һәм тиҙлек режимын боҙоусылар менән көрәште көсәйтеүегеҙҙе һорайым”, - тине дәүләт Башлығы.