Өфө 382 миллион һумға 15 троллейбус ала

Финанслау сығанаҡтары булып төбәк һәм муниципаль бюджеттар тора. Аукционға 26 июндә йомғаҡ яһаласаҡ. Һатып алыу документына ярашлы, троллейбустар Адмирал Макаров урамындағы 1-се депоға килешеү төҙөгән көндән алып 90 көн эсендә ебәрелергә тейеш.

      Троллейбустар 2023 йылда сығарылырған булырға тейеш. Файҙаланыу гарантияһы  ваҡыты - 18 ай йәки 150 мең саҡрым юл, тулы файҙаланыу ваҡыты - 10 йыл йәки 600 мең саҡрым юл үтергә тейеш. Автоном йөрөү мөмкинлеге булған тәпәш иҙәнле троллейбустар һатып алынасаҡ. Салонда климат-контроль системаһы, инвалид креслоларында йөрөүсе кешеләр өсөн урындар булырға тейеш. Кузовтың төҫө һәм биҙәлеше заказсы менән килешеү буйынса рәсмиләштерелә.

     Троллейбустың оҙонлоғо 12,8 метр, киңлеге - 2,5 метрға тиклем, бейеклеге - 3,6 метр булырға тейеш. Пассажирҙар һыйҙырышлығы - 90 кешенән алып 100 кешегә тиклем, ултырыу урындары - кәм тигәндә 33.

     Троллейбустар республика адреслы инвестиция программаһы сиктәрендә һатып алына. Был маҡсатҡа төбәк ҡаҙнаһынан 371 миллион һумға тиклем бүлә, ҡалғанын муниципалитет финанслай.