Хәүефһеҙлек тиҙлеген күҙәтегеҙ!

Кисә Байым менән Яйҡар ауылдары араһында Шевроле Нива автомобиле түңкәрелгән,  һөҙөмтәлә водитель һәм уның ике пассажиры зыян күргән.

Магнитогорск ҡалаһында йәшәүсе 65 йәшлек ир Аһылай юлында хәүефһеҙ хәрәкәт итеү тиҙлеген арттырған, йәғни шәп килеп, рулгә идара итеү һәләтен юғалтыу һөҙөмтәһендә машина шоссе юлдан төшөп, түңкәрелгән.

Авария һөҙөмтәһендә водитель һәм уның пассажирҙары -1954 йылғы ҡатын һәм 12 йәшлек малай төрлө йәрәхәттәр менән белорет ҡалаһы дауаханаһына оҙатылған.