Лифттарҙы ремонтлауға 688 миллион һум аҡса ҡаралған

Контракттың хаҡы 688 миллион һум тәшкил иткән, йәки башланғыс хаҡы 7 миллион һумға кәмегән. Сауҙаның икенсе ҡатнашыусыһы - Түбәнге Новгородтың «Трансэнерго» компанияһы - 691,3 миллион һумға эштәр башҡарырға тәҡдим иткән. Финанслау сығанаҡтары - фатир милекселәре түләүҙәре средстволары һәм дәүләт һәм муниципаль ярҙам саралары. Бөтәһе 75 йортта лифттар алмаштырыла йәки модернизациялана, уларҙың 49-ы - Өфөлә, 20-һе - Стәрлетамаҡта, бишәүһе - Нефтекамала һәм берәүһе Благовещен районында урынлашҡан. Эштәр 2025 йылдың ноябрь аҙағына тиклем башҡарылырға тейеш.

      Подрядсының бурысы - лифт шахталарының конструктив элементтарының техник торошона баһа биреү, проект документацияһын әҙерләү һәм лифттарҙы ремонтлау буйынса эштәрҙе башҡарыу.

      «Техлифт» яуаплылығы сикләнгән йәмғиәте 2019 йылдың авгусында Өфөлә теркәлгән. Ойоштороусыһы һәм етәксеһе булып Эрнест Григорьян сығыш яһай, элек компанияның хужалары - «Ураллифт» һәм «Төбәк коммуналь системалары» компаниялары» контрагенттарҙы тикшереү сервисы мәғлүмәттәре буйынса, 2022 йылда компанияның кереме - 994 миллион һум, саф табыш 174 миллион һум тәшкил иткән. Башҡортостанда 2025 йылға тиклем гарантия  ваҡыты үткән бөтә лифттарҙы алмаштырыу күҙаллана. Төбәк операторы мәғлүмәттәре буйынса, 2023 йылда 165 йортта 446 лифт, киләһе ике йылда 335 йортта 859 лифт алмаштырыла.