+16 °С
Болотло
Антитеррор
Бөтә яңылыҡтар
Мәғариф
23 Август 2019, 11:39

"Ҡайынҡай"ҙа шахматсылар үҫә

Асҡарҙың "Ҡайынҡай" балалар баҡсаһында гел стажлы педагогтар эшләй, улар балалар менән аралашыу серҙәрен яҡшы белә

Үҙәк майҙанға күргәҙмә ҡуйыусы учреждениелар араһында, йылдағыса, "Ҡайынҡай" балалар баҡсаһы айырым урын биләй. Мөдир Айгөл Заһитова әйтеүенсә, уҙған уҡыу йылы дауамында улар Бөтә Рәсәй смотр-конкурсында ҡатнашып, өлгөлө балалар баҡсаһы булараҡ 100 еңеүсе араһында билдәләнгән. Бынан тыш, логопед Флүрә Вәкил ҡыҙы Солтанова Санкт-Петербург ҡалаһында үткән һөнәри оҫталыҡ буйынса халыҡ-ара бәйгелә лайыҡлы сығыш яһап, өсөнсө урын алған. Тағы бер тәрбиәсе Алһыу Ирек ҡыҙы Әсәҙуллина "Йыл тәрбиәсеһе - 2019" район конкурсында Гран-при яулап, республика бәйгеһендә үҙен һынаған. Күргәҙмә ошо һәм башҡа мәртәбәле еңеүҙәр тураһында һөйләй ине. "Ҡайынҡай"ҙа кадрҙар алмашыныуы һирәк күренеш, беҙҙә үҙ эшен яҡшы белгән, балаларҙы яратҡан стажлы педагогтар эшләй, - ти Айгөл Хәким ҡыҙы. - 4 - 6 йәшлек бәләкәстәр өсөн өҫтәмә дәрестәр - шахмат, хореография, инглиз теле, вокал индергәнбеҙ. Һөҙөмтәләребеҙ ҙә бар. Кескәйҙән шахмат уйнап өйрәнгән ҡыҙ-малайҙар, мәктәпкә барғас та был шөғөлөн ташламай. Бөгөн беҙҙә 275 бала тәрбиәләнә, улар өсөн бөтә мөмкинлектәр булдырылған".
Читайте нас: