Илһөйәрлек тәрбиәһе мөһим

РФ Президенты ҡушыуы буйынса йәш быуынға илһөйәрлек тәрбиәһе буйынса проект булдырыла. «Мәғариф» милли проекты сиктәрендә тормошҡа ашырыласаҡ был программа Мәғариф, Мәҙәниәт һәм башҡа федераль органдар менән берлектә эшләнәсәк. Ул мәктәптәрҙә, балалар баҡсаларында, башҡа белем биреү учреждениеларында йәш быуынға ил тарихын, Ватанды һаҡлап яуға күтәрелгән атай-олатайҙар биографияһын, Рәсәйҙең данлы биттәрен һөйләү, ҡыҙыҡһындырыу, был юҫыҡта конкурстар ойоштороу кеүек йүнәлештәрҙе аласаҡ.